Италиялик "Милан" клуби А Серияда кетма-кет учта ғалабани қўлга киритди, шунингдек, Чемпионлар лигаси 1/8 финалининг биринчи ўйинида "Тоттенхэм" устидан ғалаба қозонди.
Энди Италиянинг амалдаги чемпиони яна "Тоттенхэм"га қарши тўқнаш келиши керак. 1994 йилдан 2001 йилгача "Милан"да тўп сурган собиқ клуб футболчиси Деметрио Альбертини жамоа муҳим ўйинга энг яхши кайфиятда яқинлашмоқда, деб ҳисоблайди.
"Январь ойидаги оғир инқироздан сўнг, "Милан" ўз имкониятлари ва кучларини намойиш эта бошлади. Бу Чемпионлар лигасига ижобий таъсир қилиши мумкин. Шу сабабли, "Милан" ўйинга оптимал муносабат билан ёндашади ва жуда бу муҳим" - деди Альбертини pianetamilan.it билан суҳбатда.
