Луис Энрике ва Зинедин Зидан Грем Поттердан "Челси"ни бошқариши мумкин, дея хабар беради Sport.es.
Қайд этилишича, “Барселона” ва Испания терма жамоасининг собиқ мураббийи “кўклар” мураббийи лавозими учун вариантлардан бири ҳисобланади. Шунингдек, "Челси" "Реал"дан кейин ишсиз қолган Зиданни ҳам номзод сифатида кўриб чиқяпти.
Поттер 2022 йилнинг кузида "Челси"га тайинланган эди. Унинг қўл остида жамоа 24 турдан кейин 31 очко жамғариб, Англия Премьер-лигаси турнир жадвалида 10-ўринда бормоқда.