«Барселона» дарвозабони Марк-Андре тер Штеген «Реал»га қарши Испания кубоги 1/4 финалининг биринчи ўйинида иштирок этди.
«Сантьяго Бернабеу»да бўлиб ўтган учрашув 1:0 ҳисобида «кўк-анорранглилар»нинг ғалабаси билан якунланди.
Бу ўйин немис дарвозабони учун «эл-ласико»даги олтинчи «қуруқ» ўйин бўлди. Бу кўрсаткич бўйича Тер Штеген «қаймоқранглилар»нинг афсонавий дарвозабони Икер Касильясга етиб олди. Рекордчи «Барселона»нинг собиқ дарвозабони Виктор Вальдес бўлиб, еттита ўйинда дарвозасидан гол ўтказиб юбормаган.
Каталония ва Мадрид жамоалари ўртасидаги жавоб учрашуви 5 март куни «Камп Ноу»да бўлиб ўтади.
