Мадриднинг “Реал” клуби дарвозабони Тибо Куртуа Испания кубоги ярим финалининг биринчи ўйинида "Барселона"дан учралган мағлубият ҳақида гапирди. Учрашув 0:1 ҳисобида якунланди.
"Реал" майдонда устунлик қилди ва яхши ҳимояланди. Катта омадсизлик туфайли гол ўтказиб юборди. Мен сэйв қилдим, лекин тўп Эдерга тегиб қайтди. "Барселона" ноҳақ ғалаба қозонди. Биз ўйинни назорат остида ушлаб турдик, лекин ўз устунлигимизни голли вазиятларга айлантира олмадик", - деди бельгиялик дарвозабон AS билан суҳбатда.
Жамоалар ўртасидаги жавоб ўйини 5 апрель куни Барселонадаги "Камп Ноу" стадионида бўлиб ўтади.
