Мадриднинг “Реал” клуби “ПСЖ” ҳужумчиси Киллиан Мбаппега қизиқиш билдирмоқда.
Abc.es нашри хабарига кўра, "қаймоқранглилар" ёзги трансфер ойнасида 24 ёшли франциялик футболчи учун тахминан 220 миллион евро тўлашга тайёр.
Эслатиб ўтамиз, Мбаппе ўтган мавсум якунланганидан кейин "Реал"га ўтишга яқин турганди, бироқ сўнгги дақиқада футболчи "ПСЖ" билан шартномани узайтиришга қарор қилди. Олдинроқ парижликлар учун асосий тўпурарни сақлаб қолиш устувор вариант экани хабар қилинганди.
Мбаппе жорий мавсумда барча турнирлар доирасида 29 та ўйинда 29 та гол ва 7 та голли узатмани амалга оширди. Футболчининг шартномаси 2025 йилгача мўлжалланган. Transfermarkt портали ҳужумчининг нархини 180 миллион еврога баҳоламоқда.
