Термизнинг "Сурхон" жамоаси бош мураббий лавозимига Сергей Арсланов тайинланди.

Бу ҳақда клуб матбуот хизмати хабар бермоқда.

"Сергей Арсланов Ўзбекистондаги энг иқтидорли янги авлод мураббийларидан биридир. 2011 йилдан бошлаб Арсланов мураббийлик фаолиятини болалар футболида бошлаган. 2019 йилда Ўзбекистон U-16 терма жамоасига бош мураббий бўлиб, мамлакат ўсмирлар футболини ривожлантиришга ҳисса қўшган.

2020 йилдан 2022 йил январигача Ўзбекистон футбол ассоциацияси техник директори лавозимида ишлаган. Ўтган йили Қирғизистонда бош мураббий бўлиб, “Дордой” клубига устозлик қилган. Арслонов “Дордой” билан ОФК кубогида ҳам иштирок этган. Айтиш жоизки, мутахассис ПРО лицензиясига эга.

Сергей Арслановга янги лавозимда омад тилаймиз!" - дейилади "Сурхон"нинг расмий баёнотида.