"Лейпциг" ҳужумчиси Кристофер Нкунку Бундеслига доирасида Дортмунднинг "Боруссия" жамоаси қарши ўйинда жароҳат олди.

"Буқалар" матбуот хизмати хабарига кўра, 25 ёшли футболчининг чап сонидаги мушак толасида кичик ёрилиш борлиги аниқланган. Клуб Нкункунинг тикланиш вақти ҳақида маълумот бермади.

Эслатиб ўтамиз, "Лейпциг" сафарда "Боруссия"га 1:2 ҳисобида мағлуб бўлганди.

2022/2023-йилги мавсумда Кристофер Нкунку “Лейпциг” сафида 27 та расмий ўйинда майдонга тушиб, 17 та гол урди ва 5 та голли узатмани амалга оширди.

Жамоа айни дамда Германия чемпионати турнир жадвалида тўртинчи ўринда бормоқда.