«Бавария» бош мураббийи Юлиан Нагельсманн Чемпионлар лигаси 1/8 финалида «ПСЖ»га қарши жавоб ўйинидан умидлари билан ўртоқлашди.
«Мен учун ўйин услуби муҳим. Натижа бир нечта нарсага боғлиқ бўлиши мумкин - ва бизда кўпроқ имконият бор.
Лекин мавсум қандай бўлишини ўйин услуби белгилайди. Жамоага чоршанба куни бизда жуда муҳим ўйин борлиги ва қаттиқ ўйнашимиз кераклигини айтдим.
Уларни мағлуб этиш жуда қийин - бу Европанинг энг яхши жамоаларидан бири», - деди Нагельсманн.
Чемпионлар лигаси 1/8 финалининг биринчи ўйинида «Бавария» сафарда «ПСЖ»ни 1:0 ҳисобида мағлуб этди. Жамоалар ўртасидаги жавоб ўйини 8 март куни бўлиб ўтади.
