Мадриднинг “Реал” клуби раҳбарияти Дортмунднинг “Боруссия” клуби ярим ҳимоячиси Жуд Беллингемни сотиб олишни режалаштирганди, аммо немис клуби 19 ёшли ярим ҳимоячи учун камида 150 миллион евро сўрамоқда, Мадрид жамоаси футболчи учун бундай пул беришни режалаштирмаяпти, дея хабар беради Defence Central.
Нашрнинг ёзишича, мадридликлар бошқа номзодларга ўтишга қарор қилган. “Лестер” ярим ҳимоячиси Юри Тилеманс афзалроқ вариант. Инглизлар футболчини ёзда сотишга мажбур бўлади, чунки унинг шартномаси 2024 йилда тугайди.
25 ёшли бельгиялик футболчи жорий мавсумда “Лестер” сафида барча турнирлар доирасида 29 та ўйинда майдонга тушиб, 4 та гол урди ва битта голли узатмани амалга оширди. Transfermarkt порталига кўра футболчининг нархи 40 миллион еврога баҳоланмоқда.