"ПСЖ" ҳужумчиси Килиан Мбаппе ЕЧЛ 1/8 финалида "Бавария"га қарши бўладиган жавоб ўйини ҳақида фикр билдирди.
24 ёшли футболчи Лига 1нинг 26-турида "Нант"га (4:2) гол урди - бу унинг парижликлар сафидаги 201-голи бўлди. Килиан Эдинсон Каванини (200 та гол) ортда қолдириб, "ПСЖ" тарихидаги энг яхши тўпурарга айланди.
"Агар кимдир менга сардорлик боғичини таққан ҳолда рекорд гол уришимни айтса, ишонмасдим. Бу шахсий ютуқ, лекин мен жамоа учун бу ердаман. Биз Мюнхенга Чемпионлар лигасининг кейинги босқичига йўл олиш учун кетяпмиз, ўзимизга бўлган ишончни қайтардик ва қатъиймиз”, — дея Мбаппенинг сўзларини келтиради RMC Sport.
Чемпионлар лигаси 1/8 финалидан ўрин олган “Бавария” – “ПСЖ” жавоб учрашуви 8 март куни бўлиб ўтади.