Мадриднинг “Реал” клуби бош мураббийи Карло Анчелотти Ла Лиганинг 24-турида “Бетис”га қарши кечган дуранг (0:0) ҳақида фикр билдирди.
"Ҳаммасини яхшироқ қилиш мумкин эди, ҳужумда самаралироқ ўйнаш мумкин эди. Ҳимояда яхши ўйнадик, чизиқлар ўртасида яхши ҳаракат қилдик, аммо самарадорлик етишмади. Баъзида рақиб ёпилади, лекин бизда маълум даража бор, биз яхшироқ ўйнашимиз керак. Кўпроқ самарадорлик, камроқ дриблинг, кўпроқ ўйнаш керак, балки узоқдан зарба бериш керакдир. Ла Лигада ғалаба қозониш эҳтимоли борми? Ҳа, бор. Буни ҳақиқий эмас деб айта олмайсиз. Бу жуда қийин, аммо охиригача курашишимизга шубҳам йўқ", - деди Анчелотти Marca билан суҳбатда.
