Тьяго Мотта ёзда "ПСЖ" бош мураббийлиги лавозимидан кетиши мумкин бўлган Кристоф Галтьенинг ўрнига жиддий номзод. Бу ҳақда Франциянинг L’Equipe нашри хабар бермоқда.
Манбага кўра, Моттанинг жорий мавсумда "Болонья" клубидаги фаолияти "ПСЖ" раҳбариятини ҳайратга солмоқда. Парижликларнинг собиқ ярим ҳимоячиси бошчилигидаги "Болонья" ҳозирда А Серияда саккизинчи ўринни эгаллаб турибди.
Агар шу кунларда Чемпионлар лигасининг 1/8 финал жавоб ўйинида "ПСЖ" "Бавария"дан мағлуб бўлса, Галтьенинг тақдири янада хавф остида қолиши мумкин. Парижликлар ўз уйларида ўтказган илк учрашувда 0:1 ҳисобида имкониятни бой беришди.
