Европа конференциялар лигаси нимчорак финал босқичидан ўрин олган битта ўйини кеча бўлиб ўтди. «Лацио» ўз майдонида Нидерландиянинг «АЗ Алкмар» клубини қабул қилиб, кутилмаганда, имкониятни бой бериб қўйди.

Ваҳоланки, римликлар ўйиннинг 18-дақиқасида Педронинг голи эвазига ҳисобни очишганди. Аммо тайм тугаши арафасида меҳмонлар ҳисобни тенглаштирган ҳолда танаффусга йўл олишди.

Иккинчи бўлим ўрталарида Керкез «АЗ Алкмар»ни ҳисобда олдинга олиб чиқди ва ушб натижа ўйин охиригача ўзгармай қолди.

Жавоб учрашуви 16 март куни Нидерландияда бўлиб ўтади.

Конференциялар лигаси, 1/8 финал, дастлабки ўйин
Лацио Италия – АЗ Алкмар Нидерландия 1:2 (1:1, 0:1)
Голлар: 1:0 – 18 Педро, 1:1 – 45 Павлидис, 1:2 – 62 Керкез.
Лацио – Луиш Машимиану, Габаррон, Казале (Романьоли, 46), Марушич, Луис Альберто, Катальди (Весино, 70), Милинкович-Савич, Ладзари, Фелипе Андерсон, Дзакканьи, Педро (Канчельери, 70).
АЗ Алкмар – Райан, Сугавара, Хацидьякос, Гус, Керкез (де Вит, 82), Класи, Рейндерс, Мейнанс, Павлидис (Мердинк, 83), Одгор (Михайлович, 83), Карлссон (ван Бредероде, 82).
Огоҳлантиришлар: Класи (72), Керкез (74).