Чемпионлар лигаси 1/8 финал жавоб ўйинида “Челси” Дортмунднинг “Боруссия” клубини мағлуб этди.

Биринчи бўлим охирида Раҳим Стерлинг жамоасини олдинга олиб чиқди.

Учрашувнинг 53-дақиқасида эса Кай Хаверц ҳам исмини таблога ёздириб қўйди. Немис футболчи иккинчи уринишида пенальтини голга айлантирди. Биринчи уринишда у устунга зарба берди, бироқ ҳакам 11 метрлик зарбани қайта амалга ошириш кераклигини айтди, чунки зарбадан олдин бир нечта ўйинчи жарима майдонига югуриб кирган эди.

Лондон клуби 2022 йил 27 декабрда “Борнмут”ни 2:0 ҳисобида мағлуб этганидан кейин илк бор битта ўйинда иккита гол урди.