"Бавария"да ижара асосида тўп тепаётган португалиялик ҳимоячи Жоау Канcелу мавсум якунида "Манчестер Сити"га қайтиши мумкин.
Goal портали журналистларига маълум бўлишича, Германия топ-клуби раҳбарияти футболчига бўлган ҳуқуқни "шаҳарликлар"дан сотиб олмоқчи эмас. "Манчестер Сити" португалиялик футболчини қайтганидан кейин бошқа жамоага сотиши кутилмоқда.
Канcелунинг мюнхенликлар билан ижараси шу йилнинг июн ойи охиригача ҳисобланган. Transfermarkt экспертларининг фикрича, ҳимоячининг нархи 70 миллион евро.