Ёзги трансфер ойнасида Адриен Рабьо катта эҳтимол билан клубини ўзгартиради. Матбуотда франциялик ярим ҳимоячи юқори маош талаб қилгани учун "Ювентус" билан янги шартнома борасида келиша олмагани ҳақида маълумот пайдо бўлди.
Рабьо ёзда Премьер-лигага ўтиши мумкин. 90min хабарига кўра, "Тоттенхэм" 27 ёшли француз учун курашга қўшилди. Миш-мишлар аввалроқ Рабьони “Манчестер Юнайтед”, “Ливерпуль” ва “Ньюкасл” клублари билан боғлашаётган эди.
2022/2023 йилги мавсумда Адриен Рабьо "Ювентус" таркибида 29 та ўйин ўтказиб, 7 та гол урди ва шерикларига иккита голли узатма берди.
