Yozgi transfer oynasida Adriyen Rabyo katta ehtimol bilan klubini o‘zgartiradi. Matbuotda fransiyalik yarim himoyachi yuqori maosh talab qilgani uchun "Yuventus" bilan yangi shartnoma borasida kelisha olmagani haqida ma’lumot paydo bo‘ldi.
Rabyo yozda Premyer-ligaga o‘tishi mumkin. 90min xabariga ko‘ra, "Tottenxem" 27 yoshli fransuz uchun kurashga qo‘shildi. Mish-mishlar avvalroq Rabyoni “Manchester Yunayted”, “Liverpul” va “Nyukasl” klublari bilan bog‘lashayotgan edi.
2022/2023 yilgi mavsumda Adriyen Rabyo "Yuventus" tarkibida 29 ta o‘yin o‘tkazib, 7 ta gol urdi va sheriklariga ikkita golli uzatma berdi.
