"Барселона"нинг уругвайлик ҳимоячиси Роналд Араухо Испания паспортини олди, деб хабар беради Mundo Deportivo.
24 ёшли футболчи 2022 йил охирида фуқаролик олиш учун ариза топширган ва ўтган ҳафта у ҳужжатларни олиш учун судга келган.
Араухо 2018 йилнинг ёзида "Бостон Ривер" клубидан 4,7 миллион евро эвазига "Барселона"га ўтган эди. Transfermarkt ҳозирда ҳимоячини 60 миллион еврога баҳоламоқда.
Араухо жорий мавсумда “Барселона” сафида 21 та ўйинда майдонга тушиб, 1 та гол ва 1 та голли узатмага муаллифлик қилган. Уругвай терма жамоаси футболкасида ҳимоячи 12 та учрашув ўтказган.