"Арсенал" ҳужумчиси Габриэль Жезус жароҳатидан фориғ бўлганидан кейин биринчи тўлиқ машғулотини ўтказди. Футболчи охирги марта 2022 йилнинг ноябрь ойида "канонирлар" сафида ўйинда иштирок этган, шундан сўнг Қатарда бўлиб ўтган жаҳон чемпионати учун Бразилия терма жамоасига йўл олган ва ўнг тиззасидан жароҳат олганди.
Олдинроқ, лондонликлар бош мураббийи Микель Артета ҳужумчи жамоага тўлиқ қайтишга яқин эканини айтганди, бироқ футболчи узоқ вақтдан сўнг биринчи ўйин дақиқаларини қачон олиши мумкинлигини айтишдан бош тортди.
Жароҳатдан олдин Жезус пойтахт клуби сафида барча турнирларда 20 та ўйин ўтказишга муваффақ бўлган. Унинг ҳисобида бешта гол ва олтита голли узатма бор.
