"Arsenal" hujumchisi Gabriel Jezus jarohatidan forig‘ bo‘lganidan keyin birinchi to‘liq mashg‘ulotini o‘tkazdi. Futbolchi oxirgi marta 2022 yilning noyabr oyida "kanonirlar" safida o‘yinda ishtirok etgan, shundan so‘ng Qatarda bo‘lib o‘tgan jahon chempionati uchun Braziliya terma jamoasiga yo‘l olgan va o‘ng tizzasidan jarohat olgandi.
Oldinroq, londonliklar bosh murabbiyi Mikel Arteta hujumchi jamoaga to‘liq qaytishga yaqin ekanini aytgandi, biroq futbolchi uzoq vaqtdan so‘ng birinchi o‘yin daqiqalarini qachon olishi mumkinligini aytishdan bosh tortdi.
Jarohatdan oldin Jezus poytaxt klubi safida barcha turnirlarda 20 ta o‘yin o‘tkazishga muvaffaq bo‘lgan. Uning hisobida beshta gol va oltita golli uzatma bor.
