Массимилиано Аллегрининг ўйини "Ювентус" раҳбарларини унчалик қониқтирмаяпти, шу сабабли раҳбарият ҳали ҳам ҳозирги мураббийни алмаштиришни режалаштирмоқда.
Ўз вақтида “Ювентус”да ўйнаган Зинедин Зидан ҳамон ўрин учун эҳтимолий номзод сифатида кўрилмоқда. Бу ҳақда Италиянинг La Gazzetta dello Sport нашри хабар бермоқда.
Манба алоқалар тафсилотларини ёритмаяпти, бироқ музокаралар анча қийин кечаётгани таъкидланган.
Эслатиб ўтамиз, Зидан 1996 йилдан 2001 йилгача Турин клуби шарафини ҳимоя қилган, шундан сўнг у "Реал"га ўтиб, фаолиятини шу ерда якунлаган.
