“Бетис” бош мураббийи Мануэль Пеллегрини Европа лигаси 1/8 финали биринчи ўйинида “Манчестер Юнайтед”дан учралган мағлубият (1:4) ҳақида фикр билдирди.
“Биринчи бўлимда яхши курашдик. Антони ажойиб гол урди, бурчак тўпидан сўнг киритилган учинчи гол эса барча интригани ўлдирди. Бу ўйин тақдири ўша беш дақиқада ҳал бўлди. "Юнайтед" ўйин охирида яхшироқ ўйнади ва яна бир нечта гол уриши мумкин эди. Биринчи бўлим тенг курашлар остида ўтди, аммо иккинчи бўлимда ўтказиб юборилган иккита гол бизни бутунлай курашдан чиқарди", - дея Пеллегрини сўзларини келтиради УЕФА матбуот хизмати.
