Яқинда “Андижон” жамоасига таклиф қилинган ва шартнома тузган тожикистонлик тажрибали ҳимоячи Ахтам Назаров Ўзбекистон Суперлигасида дебютини ўтказганидан хабардорсиз.

У “Андижон” либосидаги дастлабки расмий баҳсда “Насаф” устидан муҳим ғалаба қўлга киритилишида салмоқли ҳиссасини қўшди ва шу тариқа унинг дебюти муваффақиятли чиқди.

Биласиз, Ахтам Тожикистон миллий терма жамоасининг етакчиларидан бири ҳамда сардори ҳисобланади.

Яқинда Тожикистон терма жамоаси БААнинг Дубай шаҳрида навбатдаги ўқув-машғулот йиғинини ўтказади.

У ерда иккита назорат ўйини ташкиллаштирилган. Жумладан, Тожикистон 25 март куни БААга, 28 март санасида эса Қувайт терма жамоасига қарши майдонга тушади.

Шу боис Тожикистон термаси бош мураббийи Петр Сегрт Назаровни ҳам ушбу йиғинга жалб қилган. Бу борада Тожикистон футбол федерациясидан “Андижон” клубига расмий таклифнома келди.

“Андижон”нинг 3-турда “Бунёдкор”га қарши учрашувидан кейин Назаров Тожикистон терма жамоаси ихтиёрига жўнаб кетади.