Эрондаги футбол агенти Фаршид Каримий Россия ва Эрон терма жамоалари ўртасидаги ўртоқлик учрашуви олдидан Россия терма жамоасининг савиясига баҳо берди. Учрашув 23 мартга белгиланган ва у томошабинларсиз ўтказилиши мумкин.
«Оммавий ахборот воситаларимизда журналистлар Россияга қарши ўйин сиёсий тусга эга, аммо бу жуда фойдали бўлади, дея ёзишмоқда, чунки Россия терма жамоаси кучли жамоа эканлигини биламиз.
Ўйлайманки, стадион бўш қолмайди, балки томошабинларга стадион сиғимининг 30 фоизигача киришига имкон беришар.
Россия футболи Эронга кам таниш, чунки Россия футболчиларининг кўпчилиги маҳаллий чемпионатда ўйнашади ва бор-йўғи бир нечта хорижлик ўйинчилар бор, бу жамоа ҳақида тўлиқ тасаввурга эга эмаслигимизни билдиради», - деди агент.
Россия терма жамоасининг Ироқ ва Эрон билан ўртоқлик ўйинлари олдидан йиғини 19-28 март кунлари бўлиб ўтади.