"Арсенал" афсонаси Тьерри Анрининг фикрича, ҳужумчи Харри Кейн ёзда "Тоттенхэм"ни тарк этиши керак.

Бир ҳафта ичида “Тоттенхэм” Англия кубоги ва Чемпионлар лигасини тарк этди ва совринсиз сериясини 15-мавсумга етказди.

29 ёшида ҳам Кейн қўлида ҳеч қандай жамоа совринлари йўқ ва Анрининг фикрича, бундай буюк футболчи фақат гол уриш билан кифоялана олмайди.

"Агар мен унинг ўрнида бўлсам, кетардим. Қарор ўзиники, лекин шахсан мен кетардим. У қаерга боришни истаётганини билиши керак. У каби футболчи, шундай савиядаги футболчи охирида фақат голлари ҳақида гапира олмайди. Агар мен унинг ўрнида бўлсам, ютуқларим фақат голлар бўлса, кечалари ухлай олмаган бўлардим.

Бу ажойиб ютуқлар ва мен уни жуда ҳурмат қиламан. Менимча, у ажойиб ўйинчи. Аммо бу сизнинг фаолиятингиз охирида мақтана оладиган ягона нарса бўлса, бу жуда ачинарли", - деди Анди CBS Sports билан суҳбатда.