Эртадан U20 Осиё кубогининг чорак финал баҳслари старт олади. Бугун Эрон терма жамоаси мураббийи Самад Марфави учрашувдан олдинги матбуот анжуманида иштирок этди.
«Юқори сифатли ўйин кутяпман. Чорак финал жуда ҳам муҳим. Қийин гуруҳда ҳаммасини бир амалладик. Чорак финал ҳушёрлик талаб қилади. Фақат ютиш ҳақида ўйлаяпмиз. Ироққа ҳурмат келтирмоқчиман. Уларда ҳамма ўйинчилар жисмоний кучли ва бу юқори тайёргарлик талаб этади. Чунки чорак финалда кучсиз рақиб йўқ. Техник ва тактикз, шунингдек, жисмон кучли жамоага қарши оддий ўйнаб бўлмайди. Бизда махсус стратек режа мавжуд. Уларнинг барча баҳсларини таҳлил қилиб чиқдим. Ютишимизга ишонаман.
Биз гуруҳда анчайин кучли жамоаларга қарши ўйнадик. Ўлим гуруҳи эди. 6 очколик жамоа ҳам гуруҳдан чиқа олмади. Бошқа гуруҳларда эса 4 очко билан бунинг уддасидан чиқишди. Фарғонага сафар руҳиятни ва кайфиятни кучайтирди. Бу тажриба эртага ижобий самара беради деган умиддаман", - дейди мураббий.
