Ertadan U20 Osiyo kubogining chorak final bahslari start oladi. Bugun Eron terma jamoasi murabbiyi Samad Marfavi uchrashuvdan oldingi matbuot anjumanida ishtirok etdi.

«Yuqori sifatli o‘yin kutyapman. Chorak final juda ham muhim. Qiyin guruhda hammasini bir amalladik. Chorak final hushyorlik talab qiladi. Faqat yutish haqida o‘ylayapmiz. Iroqqa hurmat keltirmoqchiman. Ularda hamma o‘yinchilar jismoniy kuchli va bu yuqori tayyorgarlik talab etadi. Chunki chorak finalda kuchsiz raqib yo‘q. Texnik va taktikz, shuningdek, jismon kuchli jamoaga qarshi oddiy o‘ynab bo‘lmaydi. Bizda maxsus stratek reja mavjud. Ularning barcha bahslarini tahlil qilib chiqdim. Yutishimizga ishonaman.

Biz guruhda anchayin kuchli jamoalarga qarshi o‘ynadik. O‘lim guruhi edi. 6 ochkolik jamoa ham guruhdan chiqa olmadi. Boshqa guruhlarda esa 4 ochko bilan buning uddasidan chiqishdi. Farg‘onaga safar ruhiyatni va kayfiyatni kuchaytirdi. Bu tajriba ertaga ijobiy samara beradi degan umiddaman", - deydi murabbiy.