Эртадан U20 Осиё кубогининг чорак финал баҳслари старт олади. Бугун Австралия терма жамоаси мураббийи Тревор Морган учрашувдан олдинги матбуот анжуманида иштирок этди.
«Гуруҳда катта тажриба олдим. Қийин баҳслар бизни етарлича пиширди деб ўйлайман. Ўзбекистон ҳақида умуман негатив фикрим йўқ, фақат позитив қарашларга эгаман.
Ўзбеклар футбол севувчи халқ. Меҳмондўстликдан жуда ҳам хурсандман. Йигитлар шу турнир орқали ўзларини кўрсатишга ҳаракат қилади. Бу шогирдларимга катта трамплин вазифасини ўтаб беради. Бўлажак рақибларимиз умуман гол ўтказмади бироқ биз ҳам гол уришда ёмон тажрибага эга эмасмиз. Буни барча кўрди», — деди мураббий.
