Ertadan U20 Osiyo kubogining chorak final bahslari start oladi. Bugun Avstraliya terma jamoasi murabbiyi Trevor Morgan uchrashuvdan oldingi matbuot anjumanida ishtirok etdi.
«Guruhda katta tajriba oldim. Qiyin bahslar bizni yetarlicha pishirdi deb o‘ylayman. O‘zbekiston haqida umuman negativ fikrim yo‘q, faqat pozitiv qarashlarga egaman.
O‘zbeklar futbol sevuvchi xalq. Mehmondo‘stlikdan juda ham xursandman. Yigitlar shu turnir orqali o‘zlarini ko‘rsatishga harakat qiladi. Bu shogirdlarimga katta tramplin vazifasini o‘tab beradi. Bo‘lajak raqiblarimiz umuman gol o‘tkazmadi biroq biz ham gol urishda yomon tajribaga ega emasmiz. Buni barcha ko‘rdi», — dedi murabbiy.
