Туриннинг “Ювентус” клуби ярим ҳимоячиси Анхел ди Мария Массимилиано Аллегри жамоасидаги келажаги ҳақида гапирди. Эслатиб ўтамиз, мавсум якунида аргентиналик футболчи шартномасини тугатади.
"Шартномам тугаяптими? Биз буни аллақачон "Ювентус" билан муҳокама қилмоқдамиз. Мен бу ерда бахтлиман. Мен одамларнинг меҳрини ҳис қиляпман ва бунинг эвазига худди шундай меҳр бераман. Барча томонлар хурсанд. Бу жуда муҳим", - деди Ди Мария.
Ди Мария ўтган ёзда "Ювентус"га келиб қўшилган эди ва шундан сўнг жамоа учун барча мусобақаларда 8 та гол ва 4 та голли узатмани амалга оширди. Аввалроқ, аргентиналик футболчининг МЛСга кўчиб ўтиши кутилаётганди.
