"Манчестер Юнайтед" "Бенфика" ҳужумчиси Гонсалу Рамуш билан музокаралар олиб бормоқда, деб хабар беради Football Transfer.
Манбага кўра, томонлар ўртасидаги музокаралар илғор босқичда. Тахминларга кўра, "Бенфика" 21 ёшли футболчини 100 миллион евро эвазига қўйиб юборишга тайёр.
Жорий мавсумда Рамуш Португалия клуби сафида барча турнирлар доирасида 34 та ўйинда майдонга тушиб, 23 та гол урди ва 9 та голли узатмани амалга оширди. Шартнома 2026 йилнинг ёзига қадар мўлжалланган.
Transfermarkt портали футболчининг нархини 40 миллион еврога баҳоламоқда.