"Манчестер Сити" бош мураббийи Хосеп Гвардиола Лондоннинг "Арсенал" жамоаси ўтган дам олиш кунлари "Борнмут"га қарши ўйинда қандай қилиб 3 очко қўлга киритгани ҳақида фикр билдирди.
Эслатиб ўтамиз, ўйин давомида "канонирлар" 0:2 ҳисобида мағлуб бўлган бўлса-да, вазиятни ўнглашга ва сўнгги сонияларда 3:2 ҳисобида ғалаба қозонишга муваффақ бўлганди.
"Арсенал"нинг қайтиши кайфиятимни буздими? "Ньюкасл"даги ғалабадан кейин ичган вином қанчалик мазали бўлганини тасаввур қила олмайсиз. Мен ақл бовар қилмайдиган даражада хурсанд бўлдим. Кейин Барселонага бордим, у ерда оиламни кўрдим", - деди Гвардиола матбуот анжуманида.
"Манчестер Сити" эндиликда АПЛ турнир жадвалида пешқадам "Арсенал"дан 5 очко ортда қолмоқда.
