"Бавария" бош мураббийи Юлиан Нагельсманн ҳужумчи Эрик Чупо-Мотинг бугун Бундеслига доирасида "Аугсбург"га қарши ўйинда иштирок этмаслигини айтди. Камерунлик футболчининг белида муаммолар бор.

"Чупо-Мотинг белидаги муаммолар туфайли "Аугсбург"га қарши ўйнамайди. Бизда чарчоқни бошдан кечираётган бир қанча футболчилар ҳам бор, улар орасида Леон Горецка, Томас Мюллер Маттейс де Лигт ва Кингсли Коман ҳам бор. Биз уларнинг ҳолатини текшириб кўрамиз ва учрашувни ким асосий таркибда бошлашини кўрамиз”, - деди Нагельсманн матбуот анжуманида.

Эслатиб ўтамиз, Чупо-Мотинг "Бавария"нинг барча мусобақалардаги сўнгги тўртта ўйинининг ҳар бирида гол урган. Яқинда Эрик Мюнхен клуби билан шартномасини кейинги мавсум охиригача узайтирди.