Эдин Терзич Бундеслигада «Боруссия Дортмунд»нинг «Шальке» билан ўйинини (2:2) баҳолади.

«Биз ўйин олдидан иккита цсенарий борлигини ҳис қилардик. Ёки биз «Шальке»га ҳиссиётли ва иштиёқли ўйин ўтказишларига йўл қўямиз ёки совуққонликни сақлаб, ғалаба қозонишга ҳаракат қиламиз.

Биринчи бўлимда  ўз ишимизни яхши уддаладик, яхши вазиятлар кўп бўлди - тўпни назорат қилдик ва рақиб устидан устунлик қилдик. Кўплаб аниқ голли вазиятлар яратдик.

Аммо иккинчи бўлимда биз режаларни негадир тўхтатиб қўйдик ва жиннилик бошланди - «Шальке» хоҳлаган нарсасини қилди.

Натижада ғалабани қўлдан бой бериб, уйга дуранг билан қайтмоқдамиз», — деди «Боруссия» бош мураббийи.