Микель Артета "Арсенал"даги 100-ғалабасини қўлга киритди.
"Фулхэм" билан Премьер-лига учрашуви (3:0) испанияликнинг "канонирлар" бош мураббийи сифатидаги 167-ўйини бўлди.
Шулардан Артета 100 марта ғалаба қозонган, 24 марта дуранг ўйнаган ва 43 марта мағлуб бўлган. Ғалабалар фоизи - 59,9.
Артета 2019 йилдан бери "Арсенал"ни бошқариб келади. Бу вақт ичида клуб Англия кубоги ва Суперкубогини қўлга киритди.