«Нефтчи» ҳимоячиси Умар Адҳамзода клуб матбуот хизматига  "Ўзбек классикоси" ҳақида ўзининг фиркларини билдириб ўтди.

— Умаржон, авваламбор кечаги учрашувдаги муҳим ғалаба билан табриклаймиз. Учрашув сизда қандай таассурот қолдирди? 
— Раҳмат. Учрашувда ғалаба учун майдонга тушган эдик ва мақсадимизга эришдик. Кескин курашларга бой ва ёрқин тарзда ўтган ушбу учрашув жуда оғир кечди, деб ўйлайман. Асосийси, муҳим 3 очко қўлга киритилди.

— Жамоамиз учрашувда ўзининг энг яхши ўйинини ўтказдими ёки мухлислар бундан ҳам кучли "Нефтчи"ни кўришадими?
— Худо хоҳласа, бундан ҳам ёрқин ўйинларимиз ҳали олдинда ва мухлисларимизни албатта хурсанд қиламиз.

— Стадиондаги муҳит ҳақида нима дея оласиз?
— Атмосфера жуда ажойиб бўлди. Мухлисларга гап йўқ. Улар ғалабага лойиқ мухлислик қилишди. Стадионга ташриф буюрган барча  мухлисларимизга катта миннатдорчилик билдириб қоламан.

— Жамоамизга ва сизга ҳам кейинги ўйинларда омад тилаб қоламиз.
— Сизларга ҳам раҳмат.

"Нефтчи" ПФК матбуот хизмати