«Neftchi» himoyachisi Umar Adhamzoda klub matbuot xizmatiga  "O‘zbek klassikosi" haqida o‘zining firklarini bildirib o‘tdi.

— Umarjon, avvalambor kechagi uchrashuvdagi muhim g‘alaba bilan tabriklaymiz. Uchrashuv sizda qanday taassurot qoldirdi? 
— Rahmat. Uchrashuvda g‘alaba uchun maydonga tushgan edik va maqsadimizga erishdik. Keskin kurashlarga boy va yorqin tarzda o‘tgan ushbu uchrashuv juda og‘ir kechdi, deb o‘ylayman. Asosiysi, muhim 3 ochko qo‘lga kiritildi.

— Jamoamiz uchrashuvda o‘zining eng yaxshi o‘yinini o‘tkazdimi yoki muxlislar bundan ham kuchli "Neftchi"ni ko‘rishadimi?
— Xudo xohlasa, bundan ham yorqin o‘yinlarimiz hali oldinda va muxlislarimizni albatta xursand qilamiz.

— Stadiondagi muhit haqida nima deya olasiz?
— Atmosfera juda ajoyib bo‘ldi. Muxlislarga gap yo‘q. Ular g‘alabaga loyiq muxlislik qilishdi. Stadionga tashrif buyurgan barcha  muxlislarimizga katta minnatdorchilik bildirib qolaman.

— Jamoamizga va sizga ham keyingi o‘yinlarda omad tilab qolamiz.
— Sizlarga ham rahmat.

"Neftchi" PFK matbuot xizmati