Мадриднинг “Реал” клуби ёзда “Боруссия Дортмунд” ярим ҳимоячиси Жуд Беллингем учун курашни режалаштирмоқда, деб хабар беради Diario AS.
“Қаймоқранглилар” “Боруссия”га дастлаб 100 миллион евро ва яна 40 миллионни бонус сифатида беришга тайёр.
19 ёшли англиялик футболчи 2020 йилнинг ёзидан буён Дортмунд клубида тўп сурмоқда. Жорий мавсумда у барча турнирларда 33 та ўйин ўтказиб, 10 та гол урди ва 6 та голли узатмани амалга оширди. Transfermarkt унинг бозор қийматини 110 миллион еврога баҳоламоқда.