«Бавария» ва Германия терма жамоаси ҳужумчиси Томас Мюллер кейинги ўртоқлик ўйинларига терма жамоага чақирилмаслиги ҳақида фикр билдирди.
«Флик мени кейинги икки халқаро ўртоқлик ўйинига чақирмаслигини эълон қилган эди. Биз бир-биримизни қадрлаймиз ва фикр алмашишда давом этамиз.
Шахсан мен халқаро танаффусдан «Бавария»даги бўлажак вазифаларга оптимал тайёргарлик кўриш учун фойдаланмоқчиман.
Мавсумнинг ҳал қилувчи палласига оз қолди. Биз ҳар учала мусобақада ҳам ажойиб ҳолатдамиз ва ҳали қиладиган ишларимиз кўп!
Менинг кубокларга бўлган хоҳишим тўхтовсиз давом этмоқда! Олға», - деб ёзди Мюллер ижтимоий тармоқларда.
Германия терма жамоаси Перу (25 март) ва Бельгия (28 март) билан ўртоқлик ўйинлари ўтказади.
