«Bavariya» va Germaniya terma jamoasi hujumchisi Tomas Myuller keyingi o‘rtoqlik o‘yinlariga terma jamoaga chaqirilmasligi haqida fikr bildirdi.
«Flik meni keyingi ikki xalqaro o‘rtoqlik o‘yiniga chaqirmasligini e’lon qilgan edi. Biz bir-birimizni qadrlaymiz va fikr almashishda davom etamiz.
Shaxsan men xalqaro tanaffusdan «Bavariya»dagi bo‘lajak vazifalarga optimal tayyorgarlik ko‘rish uchun foydalanmoqchiman.
Mavsumning hal qiluvchi pallasiga oz qoldi. Biz har uchala musobaqada ham ajoyib holatdamiz va hali qiladigan ishlarimiz ko‘p!
Mening kuboklarga bo‘lgan xohishim to‘xtovsiz davom etmoqda! Olg‘a», - deb yozdi Myuller ijtimoiy tarmoqlarda.
Germaniya terma jamoasi Peru (25 mart) va Belgiya (28 mart) bilan o‘rtoqlik o‘yinlari o‘tkazadi.
