"Барселона" яқин орада Сержи Бускетсга шартномани узайтириш таклифини юборади.
Бугун футболчининг агенти Хосеп Мария Оробич Каталония клуби раҳбарияти билан учрашиб, мижозининг келажагини муҳокама қилди. Бускетснинг амалдаги шартномаси жорий мавсум охиригача амал қилади.
Ярим ҳимоячи МЛС ва Саудия Арабистони клубларидан таклифлар бўлишига қарамай, яна бир мавсум "Барселона"да қолмоқчи. У каталонияликлардан аниқ таклиф олмагунча, келажаги ҳақида қарор қабул қилмайди.
Mundo Deportivo нашри хабарига кўра, клуб унга ушбу таклифни шу ҳафта жўнатишга ваъда берган.
Бускетс Ла Лиганинг жорий мавсумида 21 ўйинда 3 та голли узатмани амалга оширди.
