"Атлетико Мадрид" бош мураббийи Диего Симеоне клубга ёрдам беришга қарор қилди.
Мутахассиснинг шартномаси 2024 йилда тугайди. Томонлар шартномани узайтириш бўйича ҳалигача келишиб олишмаган, бироқ аргентиналик амалдаги шартнома бўйича маошни камайтиришга рози бўлган - йилига 20 миллион евродан 16,5 миллион еврогача, деб хабар беради El Periodicode Espana.
Шу тариқа Симеоне клубга қийин молиявий вазиятда ёрдам беради. Шунингдек, мураббий миш-мишларга қарамай, 2023/24 йилги мавсум якунига қадар ўз лавозимини тарк этмаслиги қайд этилган.
Диего Симеоне 2011 йилнинг декабридан буён Мадриднинг “Атлетико” клубини бошқариб келмоқда. Айни дамда “матрасчилар” Ла Лига турнир жадвалида учинчи поғонани банд этиб турибди.
