Браим Диас илк бор Марокаш терма жамоасига чақирилади.
Марокаш терма жамоасининг навбатдаги йиғини 20-28 март кунлари бўлиб ўтади. Журналист Изем Анасснинг сўзларига кўра, ушбу йиғинда Браим Диас иштирок этади.
"Милан"да ижара асосида ўйнаётган "Реал" ярим ҳимоячиси Испанияда туғилган, аммо унинг ота-онаси марокашлик. Браим Испаниянинг 21 ёшгача бўлган футболчилари таркибида ўйнаган ва 2021 йилда Литва билан ўртоқлик ўйинида асосий таркибда иштирок этган.
Диас жорий мавсумда “Милан” сафида А Серияда 21 та ўйинда майдонга тушиб, 4 та гол урди ва 3 та голли узатмани амалга оширди.
