«Манчестер Сити» бош мураббийи Пеп Гвардиола Европа чемпионлар лигаси доирасида "Лейпциг" дарвозасига 5та гол урган Эрлинг Холанд ҳақида ўз фикрини билдириб ўтди.

– Бу ўйинда ҳар бир футболчи ўйиннинг бошидан охиригача ўз ишини аъло даражада бажарди. Биз тўп билан ва тўпсиз яхши ҳаракат қилдик.

Эрлинг зўр ўйнади, аммо барча футболчилар ажойиб ўйин намойиш этишди.

– Холанд пента-трикка эришди.
– 60 дақиқа ичида 5 та гол! Фантастик йигит, улкан иқтидор соҳиби. Жуда кучли ва унда туғма ғолиблик менталитети бор.

– Ўтган мавсумда сизга шундай голлар етишмаётган эдими?
– Мен бундай деб ўйламайман. Биз ўтган мавсумда рақибга кўп гол уриш имконини бердик. Ўтган мавсумда ўз майдонимизда «Реал»га 4 та, «Монако»га 6 та, «Тоттенхэм»га 4 та гол ургандик. Шунчаки кўп ол ўтказиб юборганимиз учун турнирни тарк этгандик.

Ҳозир эса йигитлар яхши ҳимояланишмоқда. Аввал сафимизда гол уриш инстинктига эга бўлган Серхио Агуэро бор эди.