"Челси"нинг собиқ бош мураббийи Томас Тухель "Реал Мадрид"нинг Карло Анчелоттига ўринбосар бўлиши мумкин бўлган номзодлар рўйхатидан жой олди, деб хабар беради BILD.
Манбага кўра, 49 ёшли германиялик мутахассис аллақачон испан тилини ўрганишни бошлаган.
Тухелнинг сўнгги клуби "Челси" бўлиб, у ўтган йилнинг сентябрида тарк этганди. Бунгача у "ПСЖ", Дортмунднинг "Боруссия" ва "Майнц" клубларини бошқарган.
Аввалроқ, агар жамоа жорий мавсумда бирорта ҳам соврин ютмаса, "Реал" Анчелоттини истеъфога чиқариши хабар қилинганди. 25-турдан кейин мадридликлар Испания Ла Лигасида “Барселона”дан 9 очкога ортда қолмоқда.
