Каталониянинг “Барселона” клуби жорий мавсум охирида франциялик вингер Усмон Дембелени йўқотиши мумкин, деб хабар беради Goal.com.

Футболчи билан меҳнат шартномасини узайтириш истаги борлигига қарамай, келишув молиявий фейр-плей туфайли барбод бўлиши мумкин. Агар "кўк-анорранглилар" муаммони ҳал қила олмаса, Лондоннинг "Челси"си Усмон билан шартнома имзолашга ҳаракат қилади.

Дембеленинг "Барселона" билан амалдаги шартномаси келаси ёзда якунига етади. Унинг трансфер нархи 60 миллион еврога баҳоланмоқда.

Франциялик футболчи жорий мавсумда Ла Лигада 18 та ўйинда майдонга тушиб, 5 та гол ва 5 та голли узатмага муаллифлик қилган.