Олий лиганинг 19-туридан ўрин олган “Насаф” ва “Шўртан” жамоалари ўртасидаги учрашувга қизиқиш юқори.
“Воҳа дербиси” номини олган бу беллашув ҳар галгидан ҳам қизиқарли ўтиши шубҳасиз. Ҳар иккала жамоанинг турнир жадвалида ёнма-ён бораётганлиги ва совринли ўринлар учун курашаётган бу кескинликни янада ошириши шубҳасиз.
Клуб маркетинг бўлимидан олинган маълумотларга кўра учрашув чипталари ўйиндан бир кун илгари - 13 сентябрь кунидан бошлаб сотувга чиқарилади. Чипталар уч хил тоифада бўлиб, нархи секторига қараб 2000, 4000, 6000 (V.I.P сектор учун) сўм этиб белгиланган.
Эслатиб ўтамиз, “Насаф” – “Шўртан” учрашуви 14 сентябрь (Ёшлар лигаси 13 сентябрь, соат 17:00) куни соат 18:30 да “Марказий” стадионда бошланади.