Аргентина терма жамоаси ҳужумчиси Лионель Месси ўзи учун шахсий ютуқларидан кўра, жамоавий натижа муҳимроқ эканини айтиб ўтди. Шунингдек у Хосеп Гвардиола раҳбарлигидаги фаолияти ҳақида ҳам гапириб ўтди.

"Ўтган мавсум мен учун унутилмас бўлди. Мен ўзим учун аниқ миқдорда гол киритишни ва қанчадир совринларни бтишни мақсад қилиб қўймайман. Шахсий кўрсаткичлардан кўра, жамоавий натижа муҳим".

"Мен учун гол киритишдан кўра, кубокни бошим узра баланд кўтариш муҳимроқ".

"Пеп Гвардиола қўл остида ўтказган пайтларимни ширин хотира сифатида эслайман. У жамоага келганда, жамоадаги руҳий ҳолат жуда ёмон эди. У барчасини ўзгартира олди. Унда ғалаба қозониш учун катта иштиёқ бор эди. Қайд этган натижаларимизда унинг ишончи ва тажрибаси қўл келганини айтишим мумкин. У ҳар бир ўйинга ҳал қилувчи учрашув сифатида ёндошарди”, - дея аргентиналик футболчининг сўзларидан иқтибос келтирмоқда ESPN.