Ҳужумчи Антонио Кассано А Сериядаги илк голини эслади. Бу 1999 йилнинг декабрь ойида "Бари" сафида "Интер"га қарши ўйинда содир бўлганди.
"Уго Энинья ўша ўйинда олтмиш метрдан гол урди. Мен у учун жуда хурсанд бўлдим. Шу пайтгача мен уч-тўртта имкониятни бой бериб қўйгандим. Аммо кейин гол уришга муваффақ бўлдим. Мен эса "Ё Худо, мен машҳур ва бойга айландим" - деб ўйладим. "Бари"га қайтганимизда у ерда бизни икки минг киши кутиб турган эди. Ва уларнинг барчаси менинг дўстларим бўлишни хоҳлашди, унгача эса ҳеч ким менга апельсин беришни ҳам хоҳламаган", - деди Кассанов ITASportPress билан суҳбатда.
Кассано "Бари" тарбияланувчиси саналади. У “Интер”, “Милан”, “Сампдория” ва бошқа клубларда ҳам ўйнаган.
