"ПСЖ"нинг собиқ ярим ҳимоячиси, ҳозирда ПСВ шарафини ҳимоя қилаётган Хави Симонс Англия премьер-лигасининг яна бир топ-клуби қизиқиш доирасига тушиб қолди. Бу ҳақда Fichajes хабар бермоқда.
Лондоннинг "Арсенал" клуби 19 ёшли футболчи учун курашмоқчи. "Канонирлар" бош мураббийи Микель Артета шахсан ўзи Симонс билан шартнома имзолашдан манфаатдор. Хави учун"Арсенал" "Манчестер Юнайтед" ва "Челси" билан курашади.
Симонс жорий мавсумда Эйндховен клуби сафида 25 та ўйинда майдонга тушиб, 12 та гол ва 6 та голли узатмага муаллифлик қилган.